Haragizko amoreak

Izenburuak argi adierazten duenez, amodiozko poemak dira liburukoak: sentsualak eta erotikoak gehienak, hurbilekoenganako maitasunezkoak beste batzuk. Edorta Jimenezek lehendabiziko liburua oraintxe 25 urte argitaratu zuelarik, Omar Nabarro izengoitiaz sinatu zuen eta horixe baliatu izan du beti poesiazko lanetan. Liburu hau poetaren seigarren bilduma da, bere-berea duen ahots nahastezin eta melodikoaz konposatua.